Ísólfur Pálsson
			Ísólfur Pálsson var fæddur 1871 á Stokkseyri, yngstur 12 systkina í ætt þar sem tónlistariðkun var í hávegum höfð. Á uppvaxtar- og fullorðins-árum Ísólfs á Stokkseyri var mikið og blómlegt menningarlíf bæði á Stokkseyri og Eyrarbakka. Jón bróðir hans kenndi honum organleik en að öðru leiti aflaði hann sér af sjálfsdáðun þeirrar tónmenntunar er hann fýsti. Ísólfur tók við organleikarastarfinu við Stokkseyrarkirkju tvítugur að aldri. Auk kirkjukórsins æfði hann og stjórnaði blönduðum kór svo og vinsælum karlakvartett sem fór víða. 1910 fór Ísólfur til Danmerkur til að læra hljóðfærasmíði. Flutti hann 1912 til Reykjavíkur ásamt fjölskyldu sinni og gerði hljóðfærasmíði, viðgerðir og stillingar að aðalstarfi sínu. Einnig stofnsetti hann verslunina Hljóðfærahús Reykjavíkur, þar sem var mikið úrval hljóðfæra ásamt hljómplötum til sölu. Var sú verslun eflaust sú fyrsta sinnar tegundar á landinu. Ísólfur andaðist 1941. Hann er faðir Páls Ísólfssonar tónskálds.
		Fjólan / Ókunnur höfundur Haust / Freysteinn Gunnarsson Hreiðrið mitt úts. P.Í. / Þorsteinn Erlingsson Röddin / Matthías Jochumsson þýddi			Sofðu, sofðu barnið blíða (úts. PÍ) / Ísólfur Pálsson Sumarnótt (dúett) úts. P.Í. / Ókunnur höfundur Vögguvísa (Fuglinn sefur...) / Freysteinn Gunnarsson Það árlega gerist / Hallgrímur Jónsson