Kristján Kristjánsson
			Kristján Kristjánsson, sem alla starfsævi sína var læknir á Seyðisfirði, fæddist í Mývatnssveit 1870. Hann lauk stúdentsprófi í Reykjavík 1890 og embættisprófi í læknisfræði í Kaupmannahöfn 1897. Hann var meðal forystumanna í sönglífi Lærða skólans á námsárum sínum, lék síðar nokkuð á knéfiðlu og var meðal þeirra sem léku í strokkvartett, líklega fyrstir Íslendinga, í húsi Lárusar Tómassonar bóksala, föður Inga T. Lárussonar, um og eftir aldamótin. Hann var einnig fyrsti söngstjóri karlakórsins "Braga" á Seyðisfirði, sem stofnaður var um aldamótin og var um árabil elsta starfandi söngfélag á landinu. Kristján samdi nokkur sönglög sem þóttu sérkennileg og frumleg á sínum tíma og hafa sum þeirra orðið alkunn. Sonur hans var Kristján Kristjánsson söngvari, sem lengi átti miklum vinsældum að fagna og sonarsonur hans er Leifur Þórarinsson tónskáld. Kristján andaðist 1927.
		Guðs móðir,... / Þorsteinn Gíslason þýddi Hart vor / Jónas Hallgrímsson Helvíti / Jónas Hallgrímsson Jón hrak / þjóðvísa Kolbeinsey / Jónas Hallgrímsson			Lóukvæði (Snemma lóan litla í) / Jónas Hallgrímss. Veðurvísur / Jónas Hallgrímsson Vögguvísa (Grýlukvæði) (þjóðlag) / Þjóðvísa Yfir kaldan eyðisand / Kristján Jónsson