Sigfús Einarsson
				Sigfús Einarsson var fæddur á Eyrarbakka 30. janúar 1877. Að loknu stúdentsprófi sigldi hann til Kaupmannahafnar og hugðist leggja stund á lögfræði. En nám hans varð aðallega í söng og tónlistarfræðum. Á Kaupmannahafnarárunum stofnaði Sigfús söngfélag íslenskra stúdenta þar í borg og gerði fyrir þann kór fyrstu íslensku þjóðlagaútsetningarnar. Um sama leyti gaf hann út hefti með fjórum einsöngslögum. Allmörg ár eftir heimkomuna frá Kaupmannahöfn starfaði Sigfús að kennslu og söngstjórn en varð síðan organleikari við Dómkirkjuna í Reykjavík og gegndi því embætti með öðrum störfum til æviloka. Sigfús Einarsson var ekki mjög afkastamikið tónskáld en ákaflega vandvirkur, listfengur og smekkvís. Hann markaði djúp spor í íslensku kórastarfi og hann var einnig meðal forgöngumanna í hljómsveitarstarfi. Hann gaf út „Íslenskt söngvasafn“ ásamt Halldóri Jónassyni 1915-16, Kirkjusöngsbók 1919 og aftur ásamt Páli Ísólfssyni 1936. Hann samdi einnig kennslubækur og var um árabil einn helsti frömuður tónlistar á Íslandi. Hann lést 1939.
			Augun bláu / Steingrímur Thorsteinsson Á Sprengisandi / Grímur Thomsen Brátt mun birtan dofna / Gestur Dauðinn ríður / Einar H. Kvaran Dog aldrig var... / Ókunnur höfundur Draumalandið / Guðmundur Magnússon Ein sit ég úti á steini / Indriði Einarsson En blomma / V. Rydberg Gígjan / Benedikt S. Gröndal Guð sem elskar öll þín börn / Harmabótarkvæði (þjóðlag) / Haust (Allt fram streymir) / Hátt ég kalla / Matthías Jochumsson			Landið mitt / Einar H. Kvaran Móðir mín í kví kví (þjóðlag) / þjóðvísa Nótt (Nú máttu hægt...) / Þorsteinn Erlingsson Ofan gefur snjó á snjó / Bólu-Hjálmar Sjá þann hinn mikla flokk / Stefán Thorarensen þ. Skólasöngur / Magnús Ásgeirsson þýddi Sofnar lóa / Þorsteinn Erlingsson Staka (Þó að kali heitur hver) / Ókunnur höfundur Sumarhret / Guðmundur Björnson (Gestur) Taflið / Einar H. Kvaran Um haust (Syngur lóa) / Benedikt Gröndal Vuggesang / Jörgensen, Johannes Þung er þoka í lofti / Ókunnur höfundur